Yakdı Cânım Nâr-ı Hicrân El-Meded Yâ Ebe'l-Hasen
17 Aralık 2021 tarihinde yayınlanmıştır.
İSTİMDÂD
Yakdı cânım nâr-ı hicrân el-meded yâ Ebe'l-Hasen
Oldu çeşmim giryeden kân el-meded yâ Ebe'l-Hasen
Derd-i 'aşk-ı yâr ile oldum esîr-i gam-firâş
Kıl şifâ-yı vaslın ihsân el-meded yâ Ebe'l-Hasen
Firkat-i cânân ile gülzâr-ı gamda kalmışam
Hâr-ı mihnet içre nâlân el-meded yâ Ebe'l-Hasen
Yûsuf-i zârem bugün sicn-i cihândır mezilim
Meskenimdir beytü'l-ahzân el-meded yâ Ebe'l-Hasen
Zâhir ü bâtında ancak sensin ey şâh-ı kerem
Hilmi'ye cân ile cânân el-meded yâ Ebe'l-Hasen
Hilmi Dede
Kuddise Sırruh