Yan Âteş-i Aşk Ol Ki Sırr-ı Mûma Erersin
4 Aralık 2018 tarihinde yayınlanmıştır.
NUTK-İ ŞERÎF
Yan âteş-i 'aşk ol ki sırr-ı mûma erersin
Şem' ol nice pervâne-i mazlûma erersin
Bir hamle-i mestâne-i merdâne edersen
Bu 'ilm ü 'amelden sen o ma'lûma erersin
O la'l ki sığmaz ne yere ne göğe tahkîk
Gel kıblene kim o dürr-i mektûma erersin
Katleyle bûmları ki o gence bulasın râh
Efhâmı kosan dilde o mefhûma erersin
Kalbinde sabâh olsa doğar şems-i hakîkat
Memdûhdan ayrılma ki mezmûma erersin
Ger Âyet-i Kürsî'yle bu cân 'arşına uçsan
Ol Hayy'ı bulup Hazret-i Kayyûm'a erersin
Ver bûma bu vîrâneyi gel gülşen-i 'aşka
Hizmetde ol Hakkı o mahdûma erersin
İbrâhim Hakkı Erzurumî
Kaddesallahu Sırrahu'l-Âlî