Yanmağa Aşk Oduna Külhânı Gözler Cânımız
23 Aralık 2021 tarihinde yayınlanmıştır.
NUTK-İ ŞERÎF
Yanmağa 'aşk oduna külhânı gözler cânımız
Bûy-ı vuslat bulmağa gülhânı gözler cânımız
Bî-nişândan gelmişiz biz lâ-mekân ehlindeniz
Gitmeğe 'azm eyleyüp yol-hânı gözler cânımız
Dediler çün kim fenâdır tâlibin sermâyesi
Anun içün her nefes selhânı gözler cânımız
'Aşka uyup dü cihândan el çeküp girdi yola
Hükmü fâş kendi nihân ol Hân'ı gözler cânımız
Dinleyüp gayrı sadâdan bulmamışdır zevkini
Tâ ezel Hakk'dan gelen elhânı gözler cânımız
Hakk buyurdu şânına çün kim "alâ hulukın 'azîm"
Pâyına yüz sürmeğe şol Hân'ı gözler cânımuz
Der Sinân Ümmî hakâyıkdır bize mülk-i bekâ
Kulluğa geldik velî kul Hân'ı gözler cânımız
Elmalılı Sinân Ümmî
Kuddise Sırruh