Yanmayan Pervâne-veş Bilmez Hakîkat Neydüğün
4 Ocak 2024 tarihinde yayınlanmıştır.
NUTK-İ ŞERÎF
Yanmayan pervâne-veş bilmez hakîkat neydüğün
Dönmeyen ol şem'aya bilmez sekînet neydüğün
İçmeyen sahbâ-yı 'aşkı zâhid-i huşk-magz-vâr
Bir mekesdir ol ne bilsin dilde lezzet neydüğün
'Arş ile kürsî değildir matlab-ı a'lâ-yı 'aşk
Evc-i "ev ednâ"ya iren bildi rıf'at neydüğün
Şol yedi deryâyı nûş eyler de kanmazlar yine
Ehl-i 'aşkdan gayrılar bilmez harâret neydüğün
Tâlib-i 'irfân olan geysin melâmet hırkasın
Anlasın bilsin dahi görsün kerâmet neydüğün
Hakkıyâ zevk eylemez telh-âb-ı firkat nûş eden
Bezm-i hâss-ı Yâr'da sahbâ-yı vuslat neydüğün
İsmâil Hakkı Bursevî
Kaddesallahu Sırrahu'l-Âlî