MuzafferOzak.com (Türkçe)

NUTK-İ ŞERÎF

Yavı kıldın gönlünü gelgil beru cân iste bul

Cân nedir kim anasın terkeyle cânân iste bul

Dün ü gün zulmet içinde ha yürürsün durmadan

Zâyi' etdin 'ömrünü gel âb-ı hayvân iste bul

Yûsuf-ı Mısrî gönüldür sen anı habs eyledin

'Âşık isen gel beru sultân-ı hûbân iste bul

'Âşıkâ ma'şûka mahrem olmak istersen eğer

Derd ile yâr gör derdine dermân iste bul

'Âşık isen ma'şûkun cevrine tahammül eylegil

Gevheri bulmak dilersen bahr-i 'ummân iste bul

Kanı sultân kulusan kulun kanı sultânısan

Milki vîrân eyledin bu milke sultân iste bul

Gâfil olma genc içinde oturursun ey fakîr

Bî-nihâyedir bilegör genc-i pinhân iste bul

Şems firâkı vaslını Yâr'ın murâd idinmegil

İster isen 'âlem içre mest ü hayrân iste bul

Akşemseddîn Velî

Kaddesallahu Sırrahu'l-Âlî

Yavı Kıldın Gönlünü Gelgil Beru Cân İste Bul