Yeketâz-ı Deşt-i Tevhîdem Üveysî-Meşrebem
26 Şubat 2024 tarihinde yayınlanmıştır.
NUTK-İ ŞERÎF
Yeke-tâz-ı deşt-i tevhîdem Üveysî-meşrebem
Pîşvâ-yı râh-ı tahkîkem Hudâyî-mezhebem
Lânesinden eylerem ma'nâ-yı Cibrîl'i şikâr
Şâh-bâl-i 'aşk ile hem-seyr-i bâz-ı eşhebem
Mihr-i vech-i yâr idelden zerre-i cismim fenâ
Bir cihân-ı ekberem ki nûrdur lübb-i lübüm
Hem kitâb-ı nâtıkam hem ma'nâ-yı ümmü'l-kitâb
Hem telâmîz ü hem üstâd-ı ledün hem mektebem
Ben o mestem ki leb-i cân-bahş-ı 'Îsâ'dan geçer
Berhemenler nûş iderse cür'a-i câm-ı lebim
Terk idelden her murâdâtı mürîd-i vâhide
Merd-i ser-âzâde-i kayd-ı murâd u matlabam
Hâk-rûb-ı hâr-ı zilletdir müjem ammâ ki ben
Mihr-i nûr-efşân gibi mihr ile 'âlî-kevkebem
İctihâd it iresin nûr-ı cemâl-i Ahmed’e
Şâh-ı evreng-i velâyetdir imâm-ı mezhebim
Şems olaldan mazhar-ı nûr-ı sabah-engîz-i 'aşk
Dâğ-ı dildir mihr-i 'âlem-tâb-ı dehre her şebim
Osman Şems Efendi
Kuddise Sırruh