Yine Hakk'dan Olur Her Derde Derman

21 Ekim 2018 tarihinde yayınlanmıştır.

NUTK-İ ŞERÎF

'İbâda olmayınca Hakk'dan ihsân

Neye kâdir olur bîçâre insân

Kalır hayretde şöyle mest ü hayrân

Yine Hakk'dan olur her derde dermân

Eğerçi kulların çokdur kusûru

Velî Hakk'ın dahî çok afvı nûru

Odur tedbîr eden cümle umûru

Neye kâdir olur bîçâre insân

Hatâ ile sudûr eylerse evzâr

Umarız afv ide ol Rabb-i Gaffâr

Tazarru'da ola gör imdi her bâr

Yine Hakk'dan olur her derde dermân

Sivâyı ko hevâlardan gözün yum

Ve illâ nefs-i şûmun hâli ma'lûm

'İnâyet eyleye ol Hayy u Kayyûm

Neye kâdir olur bîçâre insân

Hüdâyî kulun irgürdü hayâta

Delâlet etdi ef'âl ü sıfâta

Hidâyet eden oldur nûr-ı zâta

Yine Hakk'dan olur her derde dermân

Azîz Mahmûd Hüdâyî

Kaddesallahu Sırrahu'l-Âlî