Yok Cihânda Devlet-i Bâlâ Çü Aşk ü Cezbe Tek
11 Ağustos 2021 tarihinde yayınlanmıştır.
NUTK-İ ŞERÎF
Yok cihânda devlet-i bâlâ çü 'aşk ü cezbe tek
İste Mevlâ'dan anı sen mâsivâdan desti çek
Gerçi a'mâl-ı cevârih hoş velâkin zâhidâ
Yok ise anda hulûs umma sevâb çekme emek
Gizli şirk imiş riyâ pes sâhibi müşrik olur
La'net ider ana deryada semek gökde melek
Muhlis olanlar imiş dahi hatâlarda anı bil
Bin sene kılsa 'amel ol cümlesi çöpden direk
Tanrı'dan haşyet ederler hem mukarrebler kamu
Çünki îmânsız giden insandan a'lâdır köpek
Mekr-i Hakk'dan ehl-i 'irfân zümresi olmaz emîn
Câhile Hallâk'ı vermiş taş gibi katı yürek
Çünki 'uşşâk-ı Hudâ'yı sen de sev Kuddûsîyâ
Hem sever anları cümle ehl-i arz ehl-i felek
Ahmed Kuddûsî
Kuddise Sırruh