Zâhidâ Devrâna Gel ki Olasın Aşk Bülbülü
1 Haziran 2024 tarihinde yayınlanmıştır.
NUTK-İ ŞERÎF
Zâhidâ devrâna gel ki olasın 'aşk bülbülü
Böyle sebük-pây alınmaz râh-ı 'aşkın menzili
Nice şâhlar oldular bu meydânın kemter kulu
Geçdiler hubb-i sîvâdan terk edüp kîş ü şâli
Kutb-ı aktâb-ı Hudâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Âsîtânından yüzün dûr eyleyip olma gâfil
Pâdişahlar pâyine kemter olmaz böyle bil
Edegör dergehinde âb u rûyin selsebil
Menba'-i kân ü kerem feyz-i 'atâ lutf-i celîl
Kutb-ı aktâb-ı Hudâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Ger dilersen olasın makbûl-i dergâh-ı Samed
Bendesi ol rûz şeb eyle taleb-i câh meded
Mazhar-ı zât u sıfât-ı Hâliku Ferdü Samed
Gâyet ednâ bendegânın kadr-i kânı lâ-yu'ad
Kutb-ı aktâb-ı Hudâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Zerrece vasfı o zâtın doldurur yüz bin kitâb
Nâ-murâdı ber-murâd eyler o şâh-ı kâmyâb
Şübhesiz Hakk'ı bulur sıdk ile eden intisâb
Genc-i esrâr-ı hakîkat mürşid-i âlî-cenâb
Kutb-ı aktâb-ı Hudâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Cur'a-i 'aşkın içen dil-i mürde bulur hayât
Erdirir maksûduna dilden gider havf-ı memât
Dâmenin tut rûz u şeb dile tazarrû'-i necât
Bende-i kemter Hayder şânına söyledi n'at
Kutb-ı aktâb-ı Hudâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Huzûr-ı 'izzete lâyık değil ancak fakîrâne
Teberrük söyledim bu ni'met-i pîre min muhibbâne
Umarım der-i lutfundan 'inâyet ü merhamet ü şefkat
Ümîdim kesmezem elbet olurum mazhar ihsâne
Kutb-ı aktâb-ı Hûdâ mazhar-ı sırr-ı Alî
Rehmümâ-yı râh-ı Hakk Nûreddîn şâh-ı velî
Edirneli Şeyh Haydar Efendi
Kuddise Sırruh