Zâhidâ Vardır Yolunda Çünki Yetmiş Bin Hicâb
11 Temmuz 2023 tarihinde yayınlanmıştır.
NUTK-İ ŞERÎF
Zâhidâ vardır yolunda çünki yetmiş bin hicâb
Kim kalıpdır her birinde nice yüz bin şeyh ü şâb
Nısfı zulmet çünki anın nısfını nûr eyleyüp
Saklanup ol perdelerde zâtına itmiş nikâb
Lîk zulmet belli cânâ ya nedir bu remz-i nûr
Kim ola bunlar hicâbın örtüle ol âfitâb
İmdi ebrâr u mukarreb birbirinden fark içün
Birine zenb oldu nûru birine 'ilm ü sevâb
Fehm idenler bu rumûzu aldı menzil içre çün
Çıkdı zulmet perdesinden oldu kevneyne kâb
Ya bu hikmet ne ki nazmın anlayanlar Nakşiyâ
Halk içinde hôr olur Hakk katında dört kitâb
Nakşî-i Akkirmânî
Kaddesallahu Sırrahu'l-Âlî