1 Ekim 2024 tarihinde yayınlanmıştır.
Ve Lehû
Zâhir oldı 'ayn-ı 'âşıkda bu gün sırr-ı Alî
Kim ki mahrem oldı bu sırra odur gerçek velî
Herkesin âyînesinde cilvegerdir gerçi Hakk
Neylesin a'mâ ki bu yüz âna olmaz müncelî
Sanma kim kaldı hafâda kenz-i mahfî sırrını
'Ârife şems-i cihân ara gibi oldı celî
'Ârif-i b'llâh odur kim eyleye idrâk Hû
Zâtı gaybu’l-gayba ere bu şehâdetde elî
Ya dıraht-ı tûrdur ya suret-i mansûrdur
Her neden zâhir olursa Hakkı’ya hakdır belî