Zâhiren Baksan Egerçi Berr ü Bahrın Şâhıyam
31 Ağustos 2024 tarihinde yayınlanmıştır.
Zâhiren baksan egerçi berr ü bahrın şâhıyam
Bir ulu dergâhın ammâ ben gubâr-ı râhıyam
Deşt-i 'aşka şîr olup kûh-ı belâ içre peleng
Hîleger sanman ki dehrin zâhid-i rûbâhıyam
Sîne eflâkinde eşkim olalı encüm misâl
Penbe-i dâğım görenler dirse tan mı mâhıyam
Hîç kes deryâ-yı 'aşkın bulmadılar 'umkunu
Ben irişdim bana sor ol bahr içinde mâhîyem
Ger mahabbet sırrını sorsan sana şerh eyleyem
Hamdülillah ki tarîk-i 'aşkının âgâhıyam
Ey Muhibbî âhın ile yile virdin 'âlemi
Bilmedin mi hırmen-i gam içre mihnet kâhıyam
Kânûnî Sultan Süleyman
Rahmetullahi Aleyh